Aamla Khane Ke Fayde Aur Nuksan in Urdu

 Is blog main main aapko aamlay ke faidey batayenge. Agar aap aamlay ke faidey janna chahte hain to is blog ko pura parhna.

Introduction

Aamla bohot hi mashhoor phal hai. Baray aamlay ko banarsi aamla kehte hain. Ye bara sagir mein bakasrat hota hai. English mein isko Emblica myrobalan kehte hain. Aamlay ka mizaaj tar or khushk hota hai. Is ke nuqsanat khali shahad or badam rogan se door hote hain.

Kudrat ne insaan ko go nemaat phalon ki shakal mein ata ki hai, in mein aamla bhi ek hai. Aamla is etibar se bhi munfarid phal hai ke tamam phalon ke muqablay is mein vitamin C bohot zyada miqdar mein hota hai. Ye vitamins insani sehat ke liye bohot ahem samjha jata hai. Aamla vitamin C ka qudrati khazana hai.

Ghizai or Tibi Afadiyat:

Aamla istemal karne ka behtareen tariqa ye hai ke ise digar phalon ki tarah khaya jaye or is mein hasb-e-zaiqa namak bhi shamil kar liya jaye. Aamlay ko sabzi ke tor per bhi istemal kiya jata hai or is ka murabba or achaar bhi banaya jata hai.

Taza aamlo ke ras ko shehed mein mila kar bohot si bimariyon mein istemal kiya jata hai. Ise subah nihar munh khana chahiye. Is ka mamooli istemal jism ko quwat bakhshta hai.

Sans Ke Amraz

Aamlay ka istemal saans ki bimariyon se bhi door rakhta hai. Aamlay ka istemal phapron ke liye bhi mufeed hai.

Dil Ke Amraz

Aamla dil ki bimariyon ke liye bhi bara musar sabit hota hai ye tamam jism ki istilah karta hai or dil ko quwat deta hai. Ye ghabrahat door karne ke liye bhi istemal hota hai.

Digar Faiday

Aamlay ka istemal aankhon mein bhi mufeed hai. Aamlay mein qudrat ne aisi khuobi rakhi hai ke aamlay ka mamooli istemal na sirf burhape ko rokta hai or jism ko bhi quwat deta hai.

Aamlay ko sadiyon se balon ki afzaish or kaala karne ke liye istemal hota hai. Balon ko girne se rokne ke liye or chamakdar banane ke liye bhi istemal hota hai.